Domingo, 18 Agosto 2013 12:24

Conclusiones Generales BIComún Orense (05)

Written by 

Galería de fotos BIComún Ourense

Valoraçom Geral
O passado 6 de julho tivo lugar o primeiro BIComun em Ourense, evento organizado por vários colectivos que trabalhamos no ámbito do património cultural, assim como no seu estudo e difusom.

Esta actividade tinha, como objeto principal, recolher informaçom tanto de gente de Ourense coma visitantes, e refletir sobre ela. Avaliamos o nível de conhecemento e o estado de conservaçom de até onze bens patrimoniais, mais ou menos (re)conhecidos.

Com essa ideia entre maos, preparamos umha expo que colocamos na antiga Praça do Campo (Praza Maior) a fim de que fosse visitada polo maior número de gente possível. A expo está composta dumha seríe de láminas com diversa info, sobre cada um dos bens patrimoniais representados. A ideia básica era que todo o mundo puidesse, por meio dum código de cores, comentar-nos se conhecia ou nom cada um dos bens, qual pensava que era o seu estado de conservaçom e se éste nom era o apropiado, se achava que valia a pena reabilitá-lo.

Procuramos umha metodologia singela e participativa, fruto da experiência previa que aportaram as nossas colegas de Niquelarte. O resultado, como se pode ver nas estatísticas que acompanham as láminas, foi bastante homogéneo e houve bastante acordo à hora de avaliar cada um dos bens.

No caso dos bens naturais, como o rio Barbanha ou Montalegre podemos sinalar que existe umha especial sensibilidade cara o seu (mal) estado. As valoraçons no que se refire à sua conservaçom som as piores, entre todos os bens diagnosticados e baixo o nosso ponto de vista têm bastante a ver coa desídia quando nom completa incapacidade das diferentes administraçons em promover a sua conservaçom e cuidado assim como o aproveitamento racional do seu potencial ambiental e cultural.

Nom é moi distinta a situaçom de bens patrimoniais, mais ou menos conhecidos como o antigo cárcere, o rianjo da Praça de Abastos ou a Casa Taboada. Num estado de conservaçom preocupante, quando nom de ruína, as propostas de Concelho, Xunta e Estado, quando as houve, distarom muito de ser as mais adecuadas e realizáveis. Ao contrário, basearon-se mais em perpetuar modelos de gestom cultural e turística, caducos e insustentáveis, desde o ponto de vista económico, social e ambiental.

Outra das ideias-força, recurrente na info que obtivemos do BIComun é que o reconhecemento social dos bens patrimoniais melhora substancialmente quando se aposta por investir no seu estudo e difusom como evidencia o desconhecemento absoluto do castro de Oira ou o Cronicóm de Idacio fronte o máis conhecido castro de Santomé, escavado e musealizado en parte. Sospeitamos que estes bens están melhor conservados quando som intervidos malia a postura tradicional do soterramento como melhor estado de conservaçom.

Nesse reconhecemento social, pode e deve jogar um papel moi importante, o trabalho de muitos agentes sociais e culturais, através de iniciativas como o próprio BIComun, os bici-passeios patrimoniais ou os trabalhos de recuperaçom da toponímia histórica da cidade.

Finalmente, a boa diagnose e reconhecemento daqueles bens propostos e em uso: a estaçom de comboios e a Coral de Ruada, indicaria que tanto para a gente de Ourense como para aquelas pessoas que nos visitam, o uso é esencial para considerar que un bem patrimonial áchase en bo estado de conservaçom.

Queremos acabar reiterando o nosso agradecemento a todas as pessoas e colectivos que contribuiram coas suas preguntas, sugestons e críticas a que esta actividade corresse tam bem. Se algo temos claro é que tanto este trabalho como as complicidades que surdiram dele vam ter continuidade no tempo. O futuro amigxs, é comum.


Axenda (ou cousas que dixeron sobre o BIComun)

Só as persoas, en común, somos quen de construir a dimensión social e cultural que precisamos para habitar. Solo nós podemos libertar e reflotar á nosa contorna do abandono institucional que padece. Movéndoa, movéndonos, xuntas. Rebe (VouAxenda).

Sorprendeume gratamente, xa que malia non ser un fervedoiro de xente, as que participaron fixérono moi ben e de xeito moi crítico. Xuntouse ademais xente de toda clase, razón, idade e circunstancia. Creo que esta actividade pode ir medrando pouco a pouco e que podería ter diferentes posibilidades e repercusión na visa sociocultural da cidade. Raúl (SinEnsaio Producións).

Debates previos, impresión de cartaces, embolsado de pegatinas.....facerse co acento, cos xiros locais, entender o contexto. Descubrir a cidade a través dos ollos dos que a habitan. María (Niquelarte).

Pero é as pegatinas brancas? Esas son as miñas favoritas. Son as que falan dende a reflexión-vinculación subxectiva, as que opinan, as que fan críticas ácedas, retoman sentimentos ou mesmo achegan a poesía. Son as que lle dan alma ao Bicomún e as que nos recordan que eses bens tamén sinten a través de nós, a través das múltiples subxectividades respiran e teñen alento.
María (Niquelarte).

O BIComun tentou cubrir nunha xornada, a necesidade de divulgar e reflexionar o noso patrimonio máis próximo. A necesidade de lembralo, exaltalo, analizalo, recuperalo. De sentilo. E en común, non hai xeito mellor. Rebe (VouAxenda).

BIComuneiros

Nos seguintes audios podedes excoitar máis do BIComun, no programa Pedra a Pedra de Onda Cero (Ourense)

 

 

Edición de texto: AdelaVV

Imaxes: Niquelarte e Xeitura

More in this category: #BIComun Bueu (01) »
blog comments powered by Disqus