Mércores, 19 Marzo 2014 02:17

BICMoloch

Written by 

¿É sen razón emigración?

Unha pregunta que acaba de pasar rauda pola miña mente, máis a resposta non é concisa ao respecto. Somentes podo dicir, que despois de tempos lendo, escoitando, debatindo, compartindo momentos, conversas, sentimentos, proxectos entre dúas latitudes, #GalYuc é xa unha realidade que fai posible a existencia de Niquelarte, dende os seus inicios, neste presente e, quen sabe se de cara ao futuro…

Vivindo entre Galiza e Yucatán, saltando dun lado ao outro do charco nos últimos tres anos, con períodos máis ou menos estables aquí e aló dende fai case dez. Niquelarte, asociación galega que está a pasar por momentos de cambio necesarios, e cun proxecto activado en diversos territorios que soa e soa, a ritmo de cumbia; volta a falar de movemento, de mutacións, de socialización e conservactivación de bens culturais e bens comúns.

Educación expandida

O proxecto BIComún xorde fai xa un ano en Galiza cunha primeira parada no Morrazo, en Bueu, a partir de necesidades múltiples arredor do patrimonio; pero sobre todo entorno a varias preguntas: ¿a quen pertence a toma de decisións sobre o mesmo?, ¿cal foron as accións da administración no pasado, dende o presente e con vías ao futuro?, ¿en que grao participa a comunidade?, ¿como conservalo?, ¿como valoralo?, ¿como reutilizalo?, ¿como xestionalo dende a cidadanía?… Un patrimonio que supostamente “é de tod@s” e, retomando a cita de Antonio Lafuente, “ao mesmo tempo non é de ninguén”.

BIComún Tixcacalcupul, Yucatán

Este ano 2014 a experiencia trasladouse a México, onde foi denominada #BICMoloch en relación ao seu significado en lingua maia: Bens de Interese Cultural agrupados. De novo foi unha proposta colaborada que, dende Niquelarte, fixemos no marco do proxecto Desenrolo Cultural Municipal de Sedeculta, Conaculta, Axuntamento de Tixcacalcupul e Centro INAH Yucatán para as xentes lindas do pobo de Tixcacal. Un regalo que trouxo ledicia e cariño para todos nós/el@s.

Un cambio de latitude considerable que chegaba con moitas ganas, aquelas que se sentían xa dende Galiza meses antes. Coincidiu co BIComún (10) Malpartida de Cáceres da man dos nosos amig@s e compañeir@s de proxectos, Underground Arqueología. Bicomune_ando simultaneamente no espazo público e cos preparativos da segunda edición da exposición Coñeces Bicomún? que se presentou en Magma Espazo (Ourense).

Os nenos diagnostican os bens

Na comunidade maia de Tixcacalcupul, as actividades foron sucedéndose durante dous meses de experimentos e xogos cos nen@s a través do proxecto #hacklendas e a construcción de fanzines, ou actividades de Recoñecemento Patrimonial cos xóvenes de 5º de bachillerato da preparatoria COBAY durante os dous días previos á diagnose participativa na galería…Son xa once os bicomúns que foron prantados en diferentes lugares e territorios, dende Galiza ata México, pasando por Madrid, Extremadura ou Portugal, éste derradeiro na Batalha de man de Sara Costa e cía.

Punto de saída de actividades

Cociña de fanzines

A metodoloxía de diagnose vai evolucionando, mutando, mellorando…

Porque as ideas crecen e melloran se se comparten (bip, bip Robocicla!).

Recoñecemento patrimonial

Video en Vimeo

BIComún. Tixcacalcupul 2014 from Gabriel Domecq on Vimeo.

Fotografía por Beatriz Calero.

Audiovisuais por Gabriel Domecq.

Texto por Adela Vázquez Veiga @AdelaVV.

blog comments powered by Disqus